Tel. | (+994 18) 6441716 | |
Faks | (+994 18) 6420400 | |
Elektron poçtu | ipoma@science.az | |
Struktur bölmənin rəhbəri | Quliyev Kazım Qafar oğlu
Kimya üzrə fəlsəfə doktoru |
|
İşçilərin ümumi sayı | 8 | |
Əsas fəaliyyət istiqamətləri | Laboratoriyanın elmi fəaliyyət istiqaməti funksionaləvəzli tsiklopropan tərkibli vinil monomerlərinin sintezi, homo- və onların stirol, metilmetakrilat, konyuqə olunmuş dienlər və digər monomerlərlə birgə polimerlərinin alınması, onların əsasında yüksək fotohəssaslığa və optiki şəffaflığa malik polimer materiallarının yaradılması və tətbiqini əhatə edir.
Laboratoriyanın fəaliyyəti dövründə yeni sinif tsiklopropan tərkibli vinil monomerlərinin effektli sintez üsullarının işlənib hazırlanması və onların əsasında reaksiyayaqabil funksional aktiv polimerlərin alınması, radikal homo- və birgəpolimerləşmə reaksiyalarında bu tip monomerlərin quruluşu ilə reaksiyayagirmə qabiliyyəti arasındakı asılılıqların, yüksəkmolekullu birləşmələrin əmələgəlmə proseslərinin qanunauyğunluqlarının və onların mexanizmlərinin müəyyən edilməsi istiqamətində elmi tədqiqat işləri aparılmışdır. |
|
Əsas elmi nəticələri | Fəaliyyəti dövründə laboratoriyada funksionallaşdırılmış tsiklopropan fraqmenti saxlayan monomerlərin və onların əsasında fotohəssas və zərbəyə davamlı optiki xassələrə malik polimerlərin səmərəli sintez metodlarının işlənməsi istiqamətində tədqiqatlar aparılmışdır.
Müəyyən edilmişdir ki, tərkibində funksionallaşdırılmış tsiklopropan fraqmenti saxlayan polimerlər xassə etibarı ilə çoxtəyinatlı ola bilər. Onların əsasında alınan polimerlər işığa və elektron selinə qarşı həssas olmaqla yanaşı, həm də bioloji aktivliyə, zərbəyə davamlılığa, yüksək optiki şəffaflığa və fotohəssaslığa də malikdirlər. Şüalanma mənbəyinin (UB və yaxud rentgen) və elektron selinin təsiri nəticəsində tsiklopropan tərkibli polimerlər üçölçülü şəbəkə strukturu əmələgətirmək qabiliyyətinə malik olan neqativ tipli rezist materiallardır. Yeni sintez edilmiş yüksək litoqrafik və optiki şəffaflığa malik polimerlərin mikroelektronikada və optikada istifadə olunma imkanları tədqiq olunmuşdur. |