www.science.az
29.07.2019 15:23

Fransa-Azərbaycan Universitetinin tələbələri RSXM-də təcrübə keçəcəklər

Bakıda fəaliyyət göstərən Fransa-Azərbaycan Universitetinin direktoru, dosent Vazeh Əsgərov AMEA-nın Respublika Seysmoloji Xidmət Mərkəzində (RSXM) olub.

Mərkəzin baş direktoru, AMEA-nın müxbir üzvü Qurban Yetirmişli ilə görüşdə ikitərəfli əməkdaşlıq, Fransa-Azərbaycan Universitetinin tələbələrinin RSXM-də təcrübə keçmələrilə bağlı məsələlər müzakirə olunub.

Qeyd edək ki, Strasburq Universitetinin və Fransa-Azərbaycan Universiteti rəhbərliyinin təşəbbüsü ilə bu ali məktəbin Yer elmləri ixtisası istiqamətində təhsil alan tələbələri RSXM əməkdaşlarının ekspedisiya apardıqları poliqonlarda təcrübə keçəcəklər.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.