AMEA-nın Milli Azərbaycan Tarixi Muzeyi vakant vəzifələri tutmaq üçün müsabiqə elan edir. Vakant yerlər muzeyin Elmi-kütləvi iş və təhsil şöbəsinə müdir, Bərpa laboratoriyasına müdir, Arxeologiya elmi fond şöbəsinə aparıcı elmi işçi, Bərpa laboratoriyasına bərpaçı-rəssam (tekstil, dəri üzrə) və Elmi maarifləndirmə və ekskursiyalar şöbəsinə ekskursiyaçısı (rus dilində) vəzifəsinə 1 yerdir.
Müsabiqədə iştirak etmək istəyən iddiaçılar aşağıdakı sənədləri təqdim etməlidir:
- şəxsiyyət vəsiqəsinin surəti;
- kadrların şəxsi uçot vərəqi;
- tərcümeyi-hal;
- əmək kitabçasının müvafiq qaydada təsdiq olunmuş surəti;
- magistratura və ona bərabər tutulan ali təhsil haqqında sənədin təsdiq olunmuş surəti;
- elmi dərəcə, elmi ad və elmi rütbə haqqında sənədlərin surətləri (aparıcı elmi işçi vəzifəsinə iddiaçılar üçün mütləqdir);
- elmi nailiyyətlərinə görə dövlət və beynəlxalq elmi təşkilatlar tərəfindən verilən fəxri ad və titullar haqqında məlumat;
- yerinə yetirilmiş elmi tədqiqat və təcrübi-axtarış işləri, həmçinin elmi və elmi texniki layihə, müsabiqə, qrant və proqramlarda iştirak haqqında məlumat;
- müəlliflik hüququ və ya patent ilə qorunan əqli mülkiyyət obyektlərinin qeydiyyatı haqqında şəhadətnamələrin surətləri;
- çap olunmuş elmi əsərlərin, xüsusi təsir göstəricisinə (impakt faktor) malik olan və istinad indeksli elmi jurnallarda nəşr olunan elmi məqalələrin surətləri (üz səhifəsi və mündəricatla bir yerdə);
- fəaliyyət göstərdiyi elm sahəsi üzrə yüksək elmi nüfuzu olan mütəxəssis rəyi;
- elmi jurnalların redaksiya heyətlərində üzvlük haqqında məlumat.
Sənədlər müsabiqənin tələblərinə uyğun olaraq, elan dərc edilən gündən etibarən 1 ay müddətində elmi katibliyə təqdim edilməlidir.
Ünvan: Bakı şəh., H.Z.Tağıyev küçəsi,4.
Əlaqə nömrəsi: (+994 12) 598 17 39.
© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.