Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  GÖRÜŞLƏR

28.02.2020 12:32
  • A-
  • A
  • A+

Genetik Ehtiyatlar İnstitutu Aqrar Elm və İnnovasiya Mərkəzi ilə birgə yeni sortlar yaradacaq

Genetik Ehtiyatlar İnstitutu Aqrar Elm və İnnovasiya Mərkəzi ilə birgə yeni sortlar yaradacaq

Kənd Təsərrüfatı Nazirliyinin Aqrar Elm və İnnovasiya Mərkəzinin direktoru, aqrar elmlər üzrə fəlsəfə doktoru İmran Cümşüdovun rəhbərlik etdiyi nümayəndə heyəti AMEA-nın Genetik Ehtiyatlar İnstitutunda (GEİ) olub.

GEİ-nin direktoru, AMEA-nın müxbir üzvü Zeynal Əkpərovla görüşdə iki qurum arasında birgə fundamental və tətbiqyönümlü elmi-tədqiqat işləri, həmçinin konfrans və seminarların təşkili məsələləri müzakirə edilib.

Z.Əkpərov rəhbərlik etdiyi müəssisənin Kənd Təsərrüfatı Nazirliyinin Əkinçilik, Tərəvəzçilik, Meyvəçilik və Çayçılıq, Heyvandarlıq, Baytarlıq və digər elmi-tədqiqat institutları ilə müqavilələr imzaladığını və birgə layihələr həyata keçirdiyini söyləyib.

Sonra GEİ-nin şöbə müdirləri nazirliyin müvafiq institutları ilə birgə əməkdaşlıq imkanlarına dair öz təkliflərini səsləndiriblər.

Görüşdə çıxış edən İ.Cümşüdov tərəflər arasında koordinasiyalı şəkildə fəaliyyət üçün geniş imkanların olduğunu deyib. O, GEİ-nin alimləri ilə əmək bazarının tələblərinə uyğun yeni sortlar yaratmağın nəzərdə tutulduğunu bildirib.

Sonda birgə tədqiqatların aparılması üçün Koordinasiya Şurasının yaradılması və məqsədyönlü layihələrin hazırlanması qərara alınıb.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir. 

  • Paylaş: