Azərbaycan Milli Elmlər Akademiyası

Süni intellektli sistem Moskva şəhərindəki dəmiryol vağzallarından birində fəaliyyətə başlayıb.

“Şvabe” şirkəti Rusiya Dəmir Yolları ilə birgə insanların temperaturunun kontaktsız müəyyən olunması üçün infraqırmızı (İQ) sistemin pilot sınaqlarına başlayıb. İlk İQ termometrlər Moskvada, Leninqrad vağzalında quraşdırılıb.

naked-science.ru saytının məlumatına görə, vağzalın girişində quraşdırılmış cihazlar bütün sərnişinləri avtomatik skan edir. Termal görüntü, videokamera və süni intellekt sayəsində sistem temperaturu yüksək olan insanları müəyyən edir, eyni zamanda, xəstəlik şübhəsi olan insanı öz monitorunda seçərək operatora siqnal ötürür. Belə sərnişinlərə əlavə ölçülmələrin aparılması üçün vağzalın tibb məntəqəsinə getmələri təklif ediləcək.

Qeyd edək ki, bu yanaşma Çin təcrübəsində yüksək effektivliyini sübut edib.